Maria Goretti

Santa honek nahiago izandu zuen hil larruak behingoz libratu baino. Urtero berritzen dugu haren eguna. Aurten ere bai.

Eguerdia biño lehen arroltziak zingarrarekin. Ondotik kafea eta patxarana, jator-mailan. Gero bixigarritik eta berogarritik aukera. Erraten ahal diren eta ez diren arteketarik arima-zolaraino. Sintetikoki, analitikoki, antitetikoki. (laz Lesakan alto eta Eibarko Borxa ezagutu: zure barria akordau jata; bizixa orrorosua da. Alimo).

Eguerdia da eta kartzelara abudo. Etxaferuen asotsa. Intsumituak eta politikoak ez bertze guziak gogoan: espetxeak apurtu; kartzelak txikimilapuska.

Jarauta, txorauta, paxauta, astronauta. Lesbostxu aitortu bat bi besoen artean: ‘egidan pixa gainera’. Irri hark; xirri nik. Leitzen atzendu zait: «E.H. akatu» ikusten dut pea-pea egindako kamixetetan, izerdiz eta kalimotxoz igurtzitako titi-aitzinetan (Eskorbutoren bengaizo ezti hura helduki gogora: «a la mierda el P.V.»), P.-k ‘hagitz ongi’ ikusi nau; A.-k ‘beteagoa’. Ez diet jatik ere kontestu. Nere artean: Kimikak aunitz laguntzen du biño Fisikak ere ez gutti: ez-orekaren termodinamika; Heisenberg-en printzipioa; noiz-nongoak hatera jakin ezina; atomopeko mundu irreala; zer naiz, gorpuzki ala uhinki? Gaizki jositako odolki-puska baten pare naiz. Ondarrekotz, ñapar jito-herri bateko B,-rekin etzin naiz sofa-gainean gozo; ‘espeto zazo pixkot’, ‘aproxtu’tzaun fiestak hokio’. Erranera horiekin goxatzen’ttiot beharriak: zoratzen hura. Ez ornen dut gipuzkoanoa ematten: zoratzen ni. Hortik aurrerakoa gu bestek ez daki. Ixo. Tristea da sasoia joanda gero eskribitu behar hau.

(Oharra: Sta. Maria Goretti, Uztailak 6, zinezko sanferminak hasten eta akitzen diren eguna. Bertzaldi bat artio)